Талдықорғанда газға уланған ер адам ауруханаға жеткізілді

Көктем ықшам ауданындағы көппәтерлі тұрғын үйде оқыс оқиға орын алды. Көршілер алтыншы қабаттағы пәтерден газдың иісін сезіп, мамандарды шақыртқан, деп хабарлайды Zakon.kz.

Газ таралуын тоқтату мақсатында ТЖД қызметкерлері пәтерге балкон арқылы кіруге мәжбүр болды. Кереуетте табиғи газбен улану белгілері бар 1985 жылғы ер адам ес-түссіз жатқан, ол құтқарылып, жедел медициналық жәрдем қызметкерлеріне тапсырылды. Алматы облысы ТЖД баспасөз қызметі

Ер адам ауруханаға жеткізілді.

Құтқарушылар анықтағандай, зардап шеккен адамның пәтеріндегі табиғи газдың шүмегі сәл ашылып қалған.