Ақмола облысында суға кеткен журналистің денесі үшінші күн іздестіріліп жатыр
Сурет: Zakon.kz
Телеарнамыз орны толмас қайғыға ұшырады. Әріптесіміз жеке демалыс орындарының біріндегі тоғанға батып кетті, – деп жазды inbusiness.kz.
Қайғылы оқиға 19 шілдеде Арнасай ауылындағы Вячеслав су қоймасы (қазіргі Астана) маңында орналасқан демалыс аумағында болған.
Zakon.kz редакциясы түсініктеме алу үшін облыстық полиция департаментіне жүгінді.
19 шілде күні сағат 21:09-да Аршалы аудандық полиция бөліміне демалыс орындарының бірінің аумағында Нұр-Сұлтан қаласының 1995 жылы туған тұрғыны суға батып кеткені туралы хабарлама келіп түсті. Оқиға болған күні бойжеткен достарымен бірге Арнасай ауылында орналасқан Вячеслав су қоймасы аумағындағы демалыс орнында болғаны анықталды. Ақмола облысы ПД баспасөз қызметі
Ведомствоның мәліметінше, жағадан шамамен 250 метр қашықтықта гидроциклмен келе жатқан бойжеткен суға құлаған.
Демалыс аумағының нұсқаушысы зардап шегушіге көмектесуге ұмтылғанымен, қызды құтқара алмады. Қыздың мәйіті табылмады, су қоймасы аумағында іздестіру шаралары жүріп жатыр. Бұл жайт сотқа дейінгі тергеп-тексерудің бірыңғай тізіліміне тіркелді. Ақмола облысы ПД баспасөз қызметі
Іздестіру жұмыстарына сүңгуірлер мен арнайы техникалар жұмылдырылғаны, Павлодар облысынан сүңгуірлер төмен түсе алмайтын су қоймасының түбін сканерлеуге мүмкіндік беретін эхолот да әкелінгені атап өтілді. Тереңдігі – 20-дан 30 м-ге дейін. Жел мен толқын құтқарушыларға кедергі келтіруде.
10 м-ден кейін ештеңе көрінбейді. Астында өскен бұталар, шөптер бар, өздеріңіз көріп тұрғандай жел соғады, толқындар... Іздеу жұмыстарына ауа райы кедергі болып тұр. Соған қарамастан іздеу жұмыстары жүріп жатыр.Аршалы ауданы Төтенше жағдайлар департаментінің бастығы Марлен Бабаев
Облыстық ТЖД баспасөз қызметінің хабарлауынша, қазір оқиға орнында 10 адамнан тұратын құтқарушылар, бір іздестіру иті, біреуі стационарлық жаңғыртқышпен жабдықталған екі моторлы қайық жұмыс істеп жатыр.
