Ақтөбе облысында бизнесмендерден ақша бопсалаған ұйымдасқан топ мүшелері ұсталды

Сурет: Zakon.kz

Ақтөбеде қылмыстық топ кәсіпкерлерден ақша бопсалаған. Топ мүшелері қамауға алынды, сотқа дейінгі тергеу басталды, деп хабарлайды Zakon.kz.

Сыртқы келбетінен деструктивті ағымның белгілері байқалатын алты адамнан тұратын топ дінді желеу етіп, Ақтөбе тұрғындарынан бірнеше рет ақша бопсалаған. Ақтөбе облысы ПД баспасөз қызметі

Ведомство атап өткендей, жедел іс-шараларды жүргізу барысында күдіктілер парамен ұсталып, Ақтөбе қаласының уақытша ұстау изоляторына қамалды.

Осы жайт бойынша сотқа дейінгі тергеу амалдары басталды. Қазақстан Республикасы Қылмыстық кодексінің 194-бабы 2-бөлімі – «Бопсалау» бойынша тергеу амалдары жүргізіліп, ұсталғандардың осыған ұқсас қылмыстарды жасауға қатыстылығы анықталып жатыр. Ақтөбе облысы ПД баспасөз қызметі

Бұл баптың санкциясы, тәртіп сақшысының айтуынша, мүлкі тәркіленіп, үш жылдан жеті жылға дейінгі мерзімге бас бостандығынан айыру түріндегі жазаны қарастырады.

Оқи отырыңыз