Петропавлда полицейлер есірткі зертханасы жұмысының жолын кесті

есірткі зертханасы, сурет - Zakon.kz жаңалық 28.07.2022 17:57

Сурет: СҚО Полиция департаменті

Синтетикалық есірткіні өндіру және өткізу фактісі бойынша сотқа дейінгі тергеп-тексеру жүргізіліп жатыр. Күдікті – 20 жастағы қала тұрғыны, деп хабарлайды Zakon.kz.

Ол мамыр айында ұсталған. Жас жігітте өсімдік тектес зат салынған 8 полимер түйіншек болған. Тағы 52 түйіншек пен сұйықтық құйылған екі ыдыс Халтурин көшесінің бойындағы тұрғылықты мекенжайынан табылды.

Сараптама нәтижесінде «спайс» деген атпен белгілі синтетикалық есірткі, сонымен қатар оны дайындауға арналған прекурсорлар анықталды. Күдіктінің айтуынша, есірткіні ол жеке пайдалану үшін сақтаған. Сонымен қатар тәркіленген есірткінің саны 200 реттік дозаға жуық, есірткі затының жалпы салмағы – шамамен 8 грамм, ол аса ірі мөлшеріне жатады.

Оның үйінен респираторлар, грамдық таразылар, өлшеуіш колбалар мен синтетикалық есірткіні дайындауға арналған басқа да құрылғылар тәркіленді.

Қазір күдікті қамауда. ҚР Қылмыстық кодексінің «Есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу» 297-бабы 3-бөлігі бойынша сотқа дейінгі тергеп-тексеру жүргізіліп жатыр. Баптың санкциясы 15 жылға дейінгі мерзімге бас бостандығынан айыру түріндегі жазаны көздейді.СҚО ПД Есірткі қылмысына қарсы іс-қимыл басқармасының бастығы полиция полковнигі Жандос Басыбаев

Оқи отырыңыз