Челябі облысында Қазақстаннан Ресейге бет алған автобус аударылды

Челябі облысында Қазақстаннан Ресейге кетіп бара жатқан автобус шұңқырға аударылып қалды, деп хабарлайды Zakon.kz.

Челябі облысында Қазақстаннан Екатеринбургке бет алған автобус қар жауғандықтан, шұңқырға аударылып қалды. Алдын ала мәлімет бойынша, 13 жолаушы зардап шекті, олар медициналық мекемелерге жеткізілді, деп мәлімдеді РФ ІІМ аймақ бойынша бас басқармасы.

13 қазанда Самара – Шымкент тас жолында автобус аударылып қалды. Оқыс оқиға кезінде кабинада қауіпсіздік органдарының бірінің қызметкерлері болған.