Ақтөбе облысында кен орнында апат орын алып, мұнай аралас сұйықтық айналаны ластады
Сурет: Павел Михеев/Zakon.kz
"СНПС Ақтөбемұнайгаз" АҚ мұнай өндіруші компаниясы "Кеңқияқмұнай" МГӨБ кен орнында мұнай аралас сұйықтықтың сыртқа аққанын мәлімдеді, деп хабарлайды Zakon.kz.
Оқыс оқиға 29 қазанда сағат 22:30 шамасында орын алды. Компания бұл туралы деректерді Экология, геология және табиғи ресурстар министрлігіне жолдады.
№797 ұңғымада негізгі оқпанның дәнекерленген жері ашылып кетті. Ластанған алаңның көлемі 3 168 шаршы метрді құрайды. Апаттың салдарын жою ісімен "Ақберен" ЖШС айналысып жатыр. Апат орнын тексеру кезінде ұңғымадан мұнай аралас сұйықтықтың әлі ағып жатқаны анықталды, - деді ведомстводан.
"Мой город" порталы нақтылап өткендей, оқиға орнына жеткен инспектор ластанған аумақты өлшеп, сынама алды. Кәсіпорын өкілдерінің қатысуымен акт жасалды. Департамент жоспардан тыс тексеруді тағайындауға ниетті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
