Екібастұзға көмек көрсету үшін ҚР ТЖМ-ның қосымша күштері мен құралдары жіберілді
Сурет: ҚР ТЖМ баспасөз қызметі
2 желтоқсанда Екібастұз қаласына ҚР ТЖМ-ның қосымша күштері мен құралдары жіберілді. Оған Астана қаласы, Ақмола, Жамбыл және Қарағанды облыстарының ТЖД құтқарушылары және 52859 әскери бөлімінің жеке құрамы кірді, деп хабарлайды Zakon.kz.
Бағытталған күштер мен құралдар жылыту құралдарымен (жылу пушкалары), электр қуатының дербес көздерімен, жарықтандыру аспаптарымен және байланыс құралдарымен жасақталған. ҚР ТЖМ баспасөз қызметі
Алғашқы күннен бастап ТЖМ Павлодар облысындағы бөлімшелері коммуналдық қызметтерге апаттың салдарын жоюға көмекке жұмылдырылып жатқаны баса атап өтіледі.
Су басқан орындардан су сорып шығару үшін сорғылар қолданылды. Ауруханаларда жатқан балалар мен науқастарды Екібастұз қаласынан Павлодар қаласына эвакуациялауға көмек көрсетілді. Жертөле үй-жайларын жылыту мақсатында бензин генераторлары орнатылып, жылу пушкаларының жұмыс істеуі қамтамасыз етілді. Жылу желілерінің авариялық учаскелері бойынша күштер мен құралдарды бөлу жүргізілді. Коммуналдық қызметтермен бірлесіп жылумен жабдықтау бойынша жұмыстар жүзеге асырылуда. Сонымен қатар, коммуналдық қызметтер мен мүделлі ұйымдардың жылыту пункттері орнатылды. ҚР ТЖМ баспасөз қызметі
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
