Жаңаөзенде әскери қызметкердің өзіне қол жұмсауының болжамды себебі айтылды
Сурет: pixabay
«Астана» телеарнасының хабарлауынша, «дедовщина» фактілері ішінара жоққа шығарылғанымен, мұнда жеке қарым-қатынастар бар деген болжам бар.
No5548 әскери бөлім командирінің тәрбие және әлеуметтік-құқықтық жұмыс жөніндегі орынбасары Руслан Бөлегеновтың айтуынша, жас жігіт өз-өзіне қол жұмсамас бұрын сүйікті қызының тұрмысқа шыққанын білген.
Бұған дейін хабарланғандай, кеше түнде жатақхана бөлмелерінің бірінде сарбаз асылып қалған күйде табылды.
Ал одан бұрын 2022 жылдың 11 желтоқсанында Маңғыстау облысының Мұнайлы ауданында ер адам үш баланы асып, артынан өзі асылып өлді деген хабар қазақстандықтарды дүр сілкіндірді. 38 жастағы ер адам, сондай-ақ сегіз жасар, төрт жас, он айлық балалары асылып өлген күйі табылды. Одан кейін полицейлер оның әйеліне жіберілген жазба табылғанын, онда ер адам өліп, балаларын өзімен бірге алып кететінін мәлімдегенін айтты.
