Алматыда түнгі клубтың күзетшілері есірткі таратты деген күдікке ілінді

Алматы, түнгі клуб, есірткі, күзетші, сурет - Zakon.kz жаңалық 16.12.2022 16:11

Сурет: ҚР ҚМ МКК

Алматыдағы түнгі клубта жүргізілген арнайы операция кезінде синтетикалық есірткі сатты деген күдікпен мекеменің күзетшілері ұсталды, деп хабарлайды Zakon.kz.

Есірткі қылмысына қарсы іс-қимыл департаментінің мәліметінше, жедел уәкілдер күзет қызметін біраз бақылаған.

"1998 және 2002 жылы туған екі күдікті қала мекемелерінде синтетикалық есірткі таратқан. Олар клиенттерден төлемді онлайн алған. Тәртіп сақшылары олардан есріткі сатып алғандай болды. Нәтижесінде күдіктілерден 0,55 грамм мефедрон мен 0,40 грамм ПВП есірткісі тәркіленді.Операцияға арнайы жасақтың сарбаздары тартылды", – деп хабарлады ведомство өкілдері.

Ұсталғандарға қатысты ҚР Қылмыстық кодексінің 297-бабы бойынша сотқа дейінгі тергеу амалдары жүріп жатыр.

Тәркіленген заттар сот-химиялық сараптамаға жіберілді. Сонымен қатар Алматыға есіркі жеткізу арнасы анықталып жатыр.

Оқи отырыңыз