Қостанай облысындағы жол апатында екі көлік өртеніп, екі адам қайтыс болды

Қостанай облысы, жол-көлік апаты, өрт, көлік, сурет - Zakon.kz жаңалық 17.12.2022 13:45

Сурет: Қостанай облысының полиция департаменті

17 желтоқсанда Қостанай облысында жол апаты салдарынан екі көлік өртеніп, екі адам қаза тапты, деп хабарлайды Zakon.kz.

Қостанай облысында екі көлік соғылып, салдарынан екі көлік өртеніп кетті, екі адам қайтыс болды.

"Бүгін сағат 10:30 шамасында Қостанай – Қарабұтақ тас жолының 275-шақырымында жолаушылар көлігінің жүргізушісі тізгінге ие бола алмай, қарсы келе жатқан қозғалыс жолағына шығып кетіп, "Газель" автокөлігіне соғылды. Салдарынан екі көлік те жанып кетті". Қостанай облысының полиция департаменті

Жеңіл көліктің жүргізушісі мен жолаушысы оқиға орнында көз жұмды, "Газель" көлігінің жүргізушісі ауруханаға жеткізілді.

Қазіргі уақытта жол-көлік оқиғасы бойынша Қазақстан Республикасының Қылмыстық кодексiнің 345-бабы ( "Жол жүрісі ережелерін бұзу") негізінде сотқа дейінгі тергеу амалдары басталды.

Қостанай облысының полицейлері жол қозғалысына қатысушыларды қауіпсіздік ережелерін, жол қозғалысы ережелерін сақтауға және жылдамдықты шектеуге шақырды.

Оқи отырыңыз