Абай облысында жол апаты салдарынан екі адам мерт болды

Абай облысының Көкпекті ауданында қайғылы жол апаты болды: екі көлік соқтығысып, апат салдарынан екі адам қаза тапты, деп хабарлайды Zakon.kz.

Оқиға республикалық маңызы бар Омск – Майқапшағай тасжолында болған.

Алдын ала мәлімет бойынша, Mazda 626 автокөлігін басқарған 51 жастағы облыс орталығының тұрғыны басып озбақшы болғанда қарсы жолаққа шығып кетіп, қарсы бағытта келе жатқан Mercedes-Benz Sprinter көлігімен соқтығысқан. Жол апаты салдарынан жүргізуші алған жарақаттарынан оқиға орнында көз жұмды.

Түрлі дене жарақатымен тағы бір көліктің жолаушылары ауруханаға жатқызылды. Mazda 626 автокөлігіндегі 20 жастағы жолаушы ауруханада есін жимай, көз жұмған.

Аталған факті бойынша ҚР Қылмыстық кодексінің 345-бабының 3-бөлігі бойынша сотқа дейінгі тергеу басталды.

Тиісті сараптамалар тағайындалды, оның қорытындысы бойынша процессуалдық шешім қабылданады.