Астанада үйректерді қынадай қырған браконьер құрықталды
Сурет: Facebook/Орман шаруашылығы және жануарлар дүниесі комитеті
Аталған қылмыс әлеуметтік желіні мониторингілеу кезінде анықталған. Желіде жарияланған видеодан елорданың ЖЭО маңындағы су қоймасындағы үйректерге түрпідей тиген екі ер адамды байқауға болады, деп хабарлайды Zakon.kz.
2023 жылдың 5 қаңтарында Instagram әлеуметтік желісінде елорданың ЖЭО маңындағы су қоймасында орын алған браконьерлік факт туралы видео тараған болатын.
"Қазіргі таңда видеодағы бір адам ұсталды, ол Астана қаласының тұрғыны болып шықты. Табиғат қорғау заңнамасын бұзған екінші адамның жеке басы анықталу үстінде. Құқық қорғау органдары екі азаматқа қатысты процессуалдық шешім шығаратын болады". Орман шаруашылығы және жануарлар әлемі комитетінің баспасөз қызметі
Сондай-ақ Ақмола облысында үйрек аулау мерзімі тамыздың соңғы сенбісі мен 30 қараша аралығында ғана жүргізілетіні, ал қалған уақытта оған тыйым салынатыны ескертіледі.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
