Алматыдағы коммуналдық қызметтер түні бойы қар тазалайды

Алматы қар, сурет - Zakon.kz жаңалық 11.01.2023 01:26

Сурет: Алматы коммуналдық инфрақұрылымды дамыту басқармасы

Алматыда қар жауа бастағаннан бастап 530 текше метр қар шығарылды. Қардың қалыңдығы 8-10 сантиметр, таулы аймақтарда 14 сантиметрге дейін жетті, деп хабарлайды Zakon.kz.

Алматы қаласының коммуналдық инфрақұрылымды дамыту басқармасы хабарлауынша, көлік ағынының тығыз болуына байланысты жолдың бойымен толығымен қамтып өтетін қар тазалаушы машиналар колоннасы көліктер азайғаннан кейін түнгі уақытта жұмыс істейді.

"Әр ауданда 2 колонна жұмыс істейді, одан кейін көктайғаққа қарсы материалдар қайталап себіледі. Көктайғақтың алдын алу мақсатында 143 құмшашқыштың күшімен жолға көктайғаққа қарсы материалдар себіліп жатыр. Осы уақытқа дейін 1 827 тонна материал пайдаланылды", - деп хабарлады басқармадағылар.

Түнгі уақытта қала көшелерінде 460 арнайы техника мен 360 жұмысшы қызмет етеді.

Қазгидрометтің болжамына сәйкес, 11 қаңтарда күндіз 10-12 градус аяз болады.

Оқи отырыңыз