Ақтөбеде көлік көпірден ұшып кетті

18 қаңтарға қараған түні Ақтөбедегі Заречный ауылының көпірінде жол-көлік апаты болды. Көліктердің бірінің жүргізушісі ауруханаға жеткізілді, деп хабарлайды Zakon.kz.

Облыстық полицейлердің мәліметінше, көпір бойымен келе жатқан Lexus жүргізушісі жылдамдықты арттырып, Subaru көлігіне соғылған. Қатты соққыдан Lexus көпірден ұшып кетті.

"Жол апаты салдарынан Lexus жүргізушісі түрлі жарақаттармен ауруханаға жеткізілді. Қазір тергеу амалдары жүріп жатыр". Ақтөбе облысы ПД баспасөз қызметі

Сурет: Ақтөбе облысы полиция департаментінің баспасөз қызметі

Сондай-ақ полицейлер оқиға орнын тексеру барысында жол көктайғақ болмағанын анықтады.