Дәрігерлердің жаңа туған нәрестені сатуы туралы толығырақ айтылды
Сурет: pixabay
Жамбыл облысы ІІД Ұйымдасқан қылмысқа қарсы күрес басқармасының қызметкерлері жедел-іздестіру барысында қалалық көпсалалы аурухананың екі акушеркасын ұстады.
"Жедел іздестіру шаралары барысында 39 жастағы Тараз қаласының тұрғыны жаңа туған қызды акушерлерден 1 500 000 теңгеге сатып алғаны анықталды".Жамбыл облысы әкімдігінің баспасөз қызметі
Әйелдер ҚР Қылмыстық-процестік кодексінің 128-бабына сәйкес уақытша ұстау изоляторына қамалып, тапсырыс берушіге қатысты "кетпеу туралы жазбаша міндеттеме және тиісті түрде мінез-құлық ұстану" түріндегі бұлтартпау шарасы таңдалды.
Жаңа туған нәресте сәбилер үйіне орналастырылады. ҚР Қылмыстық кодексінің 135-бабының 1-бөлігі ("Кәмелетке толмағандарды саудалау") бойынша сотқа дейінгі тергеу басталды.
Тараз қаласының прокуратурасы Жамбыл облысы полиция департаментінің ұйымдасқан қылмысқа қарсы күрес басқармасымен бірлесіп, қала аумағында жүргізілген жедел-іздестіру барысында жаңа туған нәрестелерді сату фактісін анықтаған еді.
