Петропавлда үш оқушыны жаралаған тоғызыншы сынып оқушысы туралы не белгілі

Сурет: Zakon.kz

Петропавлда No4 орта мектепте төтенше жағдай орын алды. 9-сынып оқушысы сыныпқа балта мен пышақ алып келіп, үш баланы жарақаттады, деп хабарлайды Zakon.kz.

Оқыс оқиға орнында редакция тілшісіне хабарлағандай, бала 15 жаста. Оның депрессия диагнозымен психиатриялық есепте тұрғаны белгілі.

"Ол оқуды қараша айында ғана бастады (2022 ж. – ред. ескерт.). Осы уақыт бойы емделді. Бұл диагнозбен жалпы білім беретін мектепте оқуға рұқсат берілген. Ол анасымен жалғыз тұрады. Отбасы толық емес", - деді куәгер.

Оқу меңгерушісінің айтуынша, тоғызыншы сынып оқушысы мүмкіндігіне қарай оқыған.

"Ол өзін сабырлы және салқын ұстады. Барлығы кіріп келгенде де, өзін жайбарақат ұстады. Бала ас үйдегі пышақ пен балта жатқан мына сөмкемені қобалжымай алып жүрген", - деді ол.

Бұған дейін Петропавлда 9-сынып оқушысы мектепке балта мен пышақ әкеліп, соның салдарынан үш бала зардап шеккені хабарланған болатын.

Оқи отырыңыз