Түркістандық полицейлер тұрғынның жоғалған 13 бас жылқысын тауып берді

Малды тауып берді, сурет - Zakon.kz жаңалық 20.02.2023 16:24

Сурет: pixabay

Жетісай аудандық полиция бөліміне жергілікті тұрғын арызданды. Оның айтуынша, Жемісті ауылына қарасты егістік алқапта жайылып жүрген 13 бас жылқылары белгісіз жағдайда жоқ болған, деп хабарлайды Zakon.kz.

Жалпы тұрғынға келтірілген шығын көлемі 9 млн теңгеге жуық. Полиция қызметкерлері аталған жайтты ҚР ҚК-нің 188-1-бабы (Мал ұрлығы) бойынша тіркеп, жылқыларды іздеуге кірісті.

Тәртіп сақшылары оқиға орнына жедел жетті. Одан ары мал егесімен бірге іздеуге шыққан полицейлер, 2 қызметтік көлікпен айналаны, тау-тасты, ой-қырды түгел шолып шықты.

Осылайша 3 тәулік бойы үзіліссіз жүргізілген тыңғылықты іс-шаралардың нәтижесінде, жоғалған жылқылар 20-25 шақырым қашықтықтағы егістік алқаптан табылды.

Ірі қара малдарының аман-есен табылғанына риза болған тұрғын, полиция қызметкерлеріне шынайы алғысын жеткізді.

Оқи отырыңыз