Алаяқтар қазақстандықтарды президент атынан алдап жатыр
![Алаяқтар қазақстандықтарды президент атынан алдап жатыр, сурет - Zakon.kz жаңалық 22.02.2023 17:09](https://kaz.zakon.kz/pbi/WEBP/2023-12-20/file-bae35ee7-e9b4-46ae-bec9-88501253bfad/800x450.webp)
Facebook әлеуметтік желісінде "Жомарт-Тоқаев" есімді аккаунт пайда болды. Парақшада ақшалай сыйлықтардың ұтысы ойнатылады. Бұл парақшаның фейк екені белгілі болды, деп хабарлайды Zakon.kz.
Қазақстан президенті Қасым-Жомарт Тоқаевтың әлеуметтік желіде екі-ақ ресми парақшасы бар. Олар Twitter-дегі @TokayevKZ парақшасы және Instagram-дағы tokayev_online парақшасы. Мемлекет басшысы Facebook желісіне тіркелмеген және ол жерде ұтыс ойынын өткізбейді. Бұл туралы StopFake.kz жазды.
Ақшалай сыйлықтар туралы уәде - алаяқтардың сүйікті тактикасы. Картаға "ұтып алған ақшаны" жіберуге уәде берген шабуылдаушылар пайдаланушылардың жеке дерегін, тіпті олардың ақшасын да ала алады.
"Төлем дерегін ұрлаудың тағы бір жолы - "халықаралық аударым" деген сылтаумен ақпарат алу. Алаяқтар ақшалай сыйлықты аудару үшін карта нөмірін ғана емес, басқа да деректерін сұрайды. Сіз ешкімге картаның жарамдылық мерзімін де, CVC-кодын да айтпауыңыз керек", - делінген хабарламада.
"Жомарт-Тоқаев" деген Facebook парақшасы фейк болып шықты. Онда жүргізілген ұтыс – алаяқтардың ісі.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript