Қарағанды облысында далада үсіп өлген ер адамның денесі табылды
Сурет: Zakon.kz
19 ақпан күні "Нива" көлігіне мінген екі ер адам Қарағандыдан "Алайғыр" кен орнына шығып, діттеген жеріне жетпеген, деп хабарлайды Zakon.kz.
Облыстың Төтенше жағдайлар департаментінің хабарлауынша, 20 ақпанда егіс алқабының сақшылары оның біреуін даладан 5 шақырым жерден тірідей тапты. Ол ауруханаға жатқызылды.
Жоғалған екінші адамды іздеуге құтқарушылар жұмылдырылды. Нәтижесінде егістіктен алты шақырым жерден ер адамның денесі табылды.
"Төтенше жағдайлар департаменті облыста дауылды ескерту күшінде екенін еске салады. Ауа райы нашарлаған жағдайда, әсіресе түнде сапар мен алыс қашыққа шығуды, жаяу жүруді шектеу қажет екенін ескертеміз".Қарағанды облысы Төтенше жағдайлар департаментінің баспасөз қызметі
Сонымен қатар мамандар сапарға шықпас бұрын көліктің техникалық жарамдығын тексеру, ауа райы болжамы мен дауылды ескертулер туралы ақпаратты қадағалау керек екенін айтты.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
