Қарағандыда 280 миллион теңгенің темекісі тәркіленді

Заңсыз темекі өндірген адам анықталды, сурет - Zakon.kz жаңалық 27.02.2023 09:28

Сурет: unsplash

Қарағанды облысы бойынша ҚМА департаментінің қызметкерлері жергілікті тұрғынның заңсыз кәсіпкерлік қызметін әшкереледі. Ведомствоның баспасөз қызметінің Zakon.kz тілшісіне хабарлауынша, оның үстінен акциздік маркалары жоқ жарты миллионға жуық қорап темекі табылған.

Атап өтілгендей, қоймаларды тінту кезінде жалпы сомасы 432 мыңнан астам қорапты құрайтын әртүрлі маркалы және атаудағы темекі өнімдері табылып, тәркіленді.

Мамандардың қорытындысына сәйкес, есепке алынбаған тәркіленген темекі өнімдерінің жалпы құны 280 миллион теңгеден асады.

Сотқа дейінгі тергеу басталып, жедел-іздестіру шаралары жүргізілуде.

ҚМА көлеңкелі экономикамен күрес жұмысын жалғастыратын болады. Өткен жылдың өзінде ғана Агенттік қабылдаған шаралар кешені көлеңкелі экономика деңгейін 19,7%-ға дейін төмендетуге оң әсер етті, бұл ретте болжамдық мән 21,5%-ды құрады.

Оқи отырыңыз