БҚО-да басты жолын су шайған ауылдан 16 адам тікұшақпен эвакуацияланды
![Төтенше жағдай, сурет - Zakon.kz жаңалық 14.03.2023 00:22](https://kaz.zakon.kz/pbi/WEBP/2023-12-20/file-483bd607-05c2-4c28-8281-e05e899f54cc/800x450.webp)
Батыс Қазақстан облысы Қаратөбе ауданының Қоржын ауылынан 16 адам, оның ішінде 6 бала және 2 жүкті әйел тікұшақпен тасымалданды, деп хабарлайды Zakon.kz.
ҚР ТЖМ баспасөз қызметінің хабарлауынша, 13 наурызда Батыс Қазақстан облысы бойынша су тасқыны жағдайын ТЖМ Қазавиақұтқару Ми-8 тікұшағымен әуеден барлау кезінде Қаратөбе ауданы Қоржын ауылы маңында "Қаратөбе ауылы-Қоржын ауылы" жергілікті маңызы бар автомобиль жолы арқылы еріген қар суының тасуы тіркелді.
"Құтқарушылар мен жүзу құралдарын елдімекенге тікұшақпен жеткізу туралы шешім қабылданды. Батыс Қазақстан облысы Қаратөбе ауданы Қаратөбе ауылының 16 тұрғыны аудан орталығына жеткізілді. Әуеден барлау жұмысы жоспар бойынша сәтті өтті. Қазіргі сәтте адамдар туыстарының үйіне орналастырылды", делінген хабарламада.
Қазіргі уақытта Қоржын ауылы көлік қатынасынсыз қалды, тұрғын үйлерді су басқан жоқ, азық-түліктер мен дәрі-дәрмектер бар. Жасыбай өзеніндегі су өз арнасы бойымен өтуде.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript