БҚО-да көлік су арнасына түсіп кетіп, екі адам мерт болды

БҚО-да көлік көктайғақ салдарынан су арнасына түсіп кетіп, екі адам мерт болды, сурет - Zakon.kz жаңалық 05.01.2023 00:10

Сурет: видео скрині

Батыс Қазақстан облысында көлік көктайғақ салдарынан су арнасына түсіп кетіп, екі адам қаза болды, деп хабарлайды Zakon.kz.

Батыс Қазақстан облысы полиция департаменті баспасөз қызметінің хабарына қарағанда, оқиға 2023 жылғы 2 қаңтар күні сағат 15:30 шамасында болған.

1962 жылы туған жүргізуші Ақжайық ауданы Алғабас кентінен 3 шақырым қашықтықта Lada Vesta маркалы көлігін айдап келе жатқанда көктайғақтың салдарынан рөлге ие бола алмай, Бударин арнасына түсіп кеткен.

Жол-көлік оқиғасының салдарынан 1961 жылы туған жолаушы сол жерде қаза болды, ауруханаға түрлі жарақаты бар екі әйел жеткізілді, оның бірі ауруханада қайтыс болды.

Аталған факті бойынша ҚР ҚК 345-бабы 4-бөлігі бойынша сотқа дейінгі тергеу басталып, тиісті сараптамалар тағайындалған.