Ақтөбе облысында екі жүк көлігі соқтығысып, бір адам мерт болды

Самара - Шымкент автожолының 1001-шақырымында Mercedes және Volvo екі жүк көлігі соқтығысқан, деп хабарлайды Zakon.kz polisia.kz-ке сілтеме жасап.

Салдарынан Mercedes автокөлігі өртеніп, оның жүргізушісі аудандық ауруханаға жатқызылды.

Volvo автокөлігінің жүргізушісі оқиға орнында қайтыс болды.

Жол апатына қатысты тергеу жүргізіліп жатыр. Полиция департаменті көлік жүргізушілерін жол ережелерін қатаң сақтауға үндеді.