Жетісу облысында жол апатынан бір әйел қаза тауып, екі адам жарақаттанды

7 мамырда Жетісу облысының Ақсу ауданында Hyundai Tucson мен ГАЗ-53 ауыр жүк көлігі соқтығысып, қайғылы оқиға орын алды, деп хабарлайды Zakon.kz.

Алматы-Өскемен тас жолының 360 шақырымында кроссовердің жүргізушісі жүк көлігін басып озуға әрекеттеніп, жанама соқтығысқан, салдарынан ол жол жиегіне шығып аударылды.

54 жастағы әйел оқиға орнында көз жұмды. Hyundai жүргізушісі мен тағы бір жолаушысы түрлі дене жарақаттарымен жақын жердегі ауруханаға жеткізілді.

Сурет: Telegram/POLISIA.KZ

Сурет: Telegram/POLISIA.KZ

Жол-көлік оқиғасы бойынша қажетті сараптамалар тағайындалып, сотқа дейінгі тергеу амалдары басталды.