Бішкек іргесіндегі ауыл қоршауға алынды: арнайы қызмет лаңкестің көзін жойды

17 мамырда Шу облысының Дмитриевка ауылында атыс болды. Бішкекке апаратын жол жабылды, деп хабарлайды Zakon.kz.

24.kg басылымында атап өтілгендей, ІІМ-нің арнайы жасағы тонауға қатысы бар күдіктілерді ұстауға әрекеттенген. Соңғысы оқ жаудырды.

Кейін Ішкі істер министрлігінің баспасөз қызметі арнайы жасақ қарулы лаңкесті ұстау операциясын жүргізгенін нақтылады.

"Лаңкес жойылды. Оқиға орнында Ішкі істер министрлігі мен Ұлттық қауіпсіздік мемлекеттік комитетінің басшылары жүр. Қазір ІІМ-нің жедел-тергеу тобы жұмыс істеп жатыр". Қырғызстан Ішкі істер министрлігінің баспасөз қызметі