Ресейде іздеуде жүрген есірткі сатушы Ақтөбеде ұсталды
Сурет: polisia.kz
Ақтөбе облысы полиция департаменті криминалдық полиция басқармасының қызметкерлері ҰҚК шекара қызметімен бірлесіп мемлекетаралық іздеуде жүрген Ресей азаматын ұстады, деп хабарлайды Zakon.kz.
Ұсталған кезінде ол Қазақстан азаматының жалған құжаттарын көрсеткен.
«Іздеуде жүрген үдіктінің үстінен ҚР Қылмыстық кодексінің 385-бабымен ( Жалған құжаттарды, мөртабандарды, мөрлердi, бланкілерді, мемлекеттiк пошта төлемі белгілерін, мемлекеттiк наградаларды қолдан жасау, дайындау немесе өткiзу) және 392-бабымен (Қазақстан Республикасының Мемлекеттiк шекарасын қасақана заңсыз кесіп өту) қылмыстық іс қозғалды", – делінген Ақтөбе облысы полиция департаменті таратқан хабарламада.
Ведомство өкілдерінің мәлімдеуінше, оған Ресейде есірткіні заңсыз сатқаны үшін ііздеу жарияланған.
Әйел уақытша ұстау изоляторына қамалды, қазір оны экстрадициялау және Ресей Федерациясының құқық қорғау органдарына тапсыру мәселесі қаралып жатыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
