Атырауда екі шағын автобус жанып кетті

Атырауда 24 мамырда Баймұханов көшесіндегі №3 қалалық емхананың маңында екі шағын автобус өртеніп кетті, деп хабарлайды Zakon.kz.

Атырау облысы төтенше жағдайлар департаментінің мәліметінше, Toyota Hiace және Nissan Serena автобустары жанып кеткен.

Өрт салдарынан жақын маңдағы дүңгіршектің қабырғасы бүлінген.

Өрт 11:27-де оқшауланып, 11:31-де толығымен жойылды.

Өңірлік төтенше жағдайлар департаментінің мәліметінше, зардап шеккендер жоқ. Қазір өрттің шығу себебі анықталып жатты.

Посмотреть эту публикацию в Instagram

Публикация от Atyrau oblysynyn TJD (@atyrau_tjd)

Өртті сөндіруге Атырау облысы төтенше жағдайлар департаментінің жеті қызметкері мен екі техникасы жұмылдырылды.