Түркістан облысында тауда жоғалған турист табылды

Төтенше жағдайлар министрлігі Түркістан облысында тауда турист құтқарылғанын мәлімдеді, деп хабарлайды Zakon.kz.

29 мамырда құтқару қызметіне шамамен 23.00-де Түлкібас ауданы Қожаберді ауылының оңтүстік беткейінде турист таулы аймақта өз тобынан қалып қойып, адасып кеткені туралы хабар берген.

Түркістан облысы құтқару бөлімшесі 29 мамырда түнгі сағат 01.00-де 1987 жылғы ер азаматты тауып алып қауіпсіз жерге шығарды. Туристке медицина көмегі қажет болған жоқ.

"Түркістан облысы ТЖД облыс тұрғындары мен қонақтарына табиғат аясында қауіпсіздік ережелерін сақтауды ескертеді", - делінген хабарламада.