Тараз әкімінің бұрынғы орынбасары Грузиядан экстрадицияланды

Грузия, Тараз қаласы әкімінің бұрынғы орынбасары, Бас прокуратура, Антикор, сурет - Zakon.kz жаңалық 15.06.2023 09:44

Сурет: pexels

Грузияның әділет министрлігі лауазымдық құзыретін асыра пайдаланғаны және 50 млнт енгеден астам бюджет қаражатын ысырап қылғаны үшін күдікті деп танылған Тараз қаласы әкімінің бұрынғы орынбасарын ұстап беру туралы ҚР Бас прокуратурасының сұрауын қанағаттандырды, деп хабарлайды Zakon.kz.

Бас прокуратура таратқан ақпаратқа сүйенсек, күдікті қылмыс жасағаннан кейін қылмыстық қудалау органынан бой тасалаған, сондықтан оған халықаралық іздеу жарияланған.

Қабылданған шаралардың нәтижесінде іздеуде жүрген тұлға Грузияда анықталып, ұсталды.

"Грузиялық әріпестермен арадағы тығыз қарым-қатынастың нәтижесінде бүгін Бас прокуратура, Сыбайлас жемқорлыққа қарсы іс-қимыл агенттігінің қызметкерлері Қазақстан Республикасы Сыртқы істер министрлігінің көмегімен күдіктіні қылмыстық жауапқа тарту үшін Қазақстанған әкелді".ҚР Бас прокуратурасының баспасөз қызметі

Ол Астана қаласының тергеу изоляторына қамалды.

Жоғарыда көрсетілген қылмыстарды жасағаны үшін оған 12 жылға дейін бас бостандығынан айыру жазасы тағайындалуы мүмкін.

Халықаралық іздеуде жүрген Тараз қаласы әкімінің бұрынғы орынбасары Қайсар Сарытай Грузиядан экстрадицияланатыны 2021 жылдың желтоқсанында белгілі болды. Кейін ҚР Сыбайлас жемқорлыққа қарсы іс-қимыл агенттігі оның Грузия аумағында ұсталып, қамауға алынғанын хабарлады.

Оқи отырыңыз