Екібастұзда егде әйелді көлік қағып кетті

Сурет: Zakon.kz

14 маусымда сағат 17.35-те Әуезов көшесінде "Болашақ" сауда үйіне қарсы жолда Тoyota Avensis маркалы көліктің жүргізушісі 56 жастағы жаяу жүргіншіні қағып кеткен, деп хабарлайды Zakon.kz.

Pavlodarnews.kz мәліметінше, әйел адам жолдың тыйым салынған жерінен өтіп бара жатқан.

"Жол-көлік оқиғасы салдарынан жаяу жүргінші түрлі жарақаттармен ауруханаға түсті. Жол апаты бойынша тексеріс жүргізілуде, тиісті сараптамалар тағайындалды. Автокөлік айып тұрағына қойылды" деп хабарлайды облыстық полиция департаментінің баспасөз қызметі.

Өңірлік жедел жәрдем стансасы мәліметінше, жедел жәрдем көлігі тиісті хабарлама келіп түскен соң 6 минут ішінде оқиға орнына келіп жеткен. Зардап шеккен әйел түрлі дене жарақаттарымен Екібастұз қалалық ауруханасына жеткізілген.

Оқи отырыңыз