Алматыда гараж бен дәмхана шатыры өртеніп жатыр

Алматыда 19 маусымда гараж өртеніп, от дәмхананың шатырына қарай ұласқан. Бұл туралы Zakon.kz тілшісіне қалалық ТЖД-ның баспасөз қызметі хабарлады.

ТЖД күштері мен құралдары жоғары дабыл белгісімен аяғынан тік тұрғызылып, Әуезов ауданы, Жетісу-3 ықшам ауданы, 1/б мекенжайына аттанды.

"Оқиға орнына келіп жеткен төтеншеліктер гараждың өртеніп, оттың дәмхана шатырына ұласқанын анықтады".  Алматы ТЖД баспасөз қызметі

Сурет: Алматы қалалық ТЖД баспасөз қызметі

Ведомство қызыл жалын жалмаған аудан көлемі әлі нақтыланатынын атап өтті.