Алматыда дүңгіршектері бар жазғы кафе сүріледі

Сурет: Алматы қала құрылысын бақылау басқармасы

Алматыда сот шешімі бойынша дүңгіршектері бар жазғы кафені сүру басталды, деп хабарлайды Zakon.kz.

Төле Би көшесінің солтүстігінде, Момышұлы көшесінің батысында сауда павильондары бар кафе сот шешімімен бұзылады.

Қала құрылысын бақылау басқармасының мәліметінше, меншік иесі жаяу жүргіншілерге арналған тротуарды басып алып, мемлекеттік қордың жерінде жазғы кафе мен дүңгіршектерді заңсыз салған.

Бұрын учаске жалға алу құқығымен меншік иесіне тиесілі болған.

"Ұзаққа созылған сот тексерулерінен соң мамандандырылған ауданаралық экономикалық сот өз бетінше салынған құрылыстарды сүру және учаскені ортақ пайдалануға қайтару туралы шешім шығарды. Апелляциялық сот бірінші сатыдағы соттың шешімін өзгеріссіз қалдырды. Бүгін нысандарды сүру және жаяу жүргіншілер инфрақұрылымын заңсыз нысандардан арылту басталды".Алматы қаласы қала құрылысын бақылау басқармасы

Оқи отырыңыз