Павлодарда есірткі жасырушы әйел ұсталды

Павлодар облысы полиция департаментінің мәліметінше, белгісіз әйел қала көшелерінде бір-біріне жақын орналасқан жер учаскелерін фотосуретке түсіріп жүрген.

"Фотосуреттерді не үшін түсіріп жатқаны туралы сұраққа ол өзіне ұнаған соң суретке түсіріп жүргенін айтты, бірақ бейнежазбаларды көргенде күдікті есірткі жасырғанын мойындауға мәжбүр болды", – дейді Павлодар облысы ПД бастығы Василий Скляр.

Ведомство өкілдерінің анықтауынша, әйел мессенджерлердің бірінде есірткі заттарын таратумен айналысатын интернет-дүкенге "жұмысқа орналасу" туралы хабарландыруды көргенін айтты.

"Нұсқаулық өткеннен кейін күдікті курьер болып, есірткі жасырумен айналысқан. Олардың координаттарын фото арқылы дүкен операторларына жіберіп отырған", – дейді Павлодар облысы полиция департаментінің баспасөз қызметі.

Жеке тінту барысында әйелден жалпы салмағы 54,35 грамм болатын 36 орам табылып, тәркіленді, олардың құрамында "альфа-PvP" психотроптық заты бар.

Оқи отырыңыз

Неандертальдық әйелдің келбетін ғалымдар қайта жасады

10:02, 04 мамыр 2024

Ақтөбені қара түтінге бөккен алапат өрт сөндірілді

22:30, 03 мамыр 2024

"Газ баллонын шаша салды". Астанада автобустағы агрессивті жолаушы видеоға түсіп қалды

21:29, 03 мамыр 2024