Атырау облысында қамысты алқап өртін сөндіруге 70 адам жұмылдырылды

Атырау облысындағы өртті сөндіруге 70-тен аса адам, 17 техника жұмылдырылған. Өртті сөндіру жұмыстары әлі жалғасуда, деп хабарлайды Zakon.kz.

8 шілдеде өрт ошақтарын сөндіруді жүзеге асыру үшін Қызылорда қаласынан СТҚ-5 су төгетін құрылғысы бар МИ-8 тікұшағын тарту жоспарлануда.

Сондай-ақ, өрт ошағының айналасында жер жырту үшін соқасы бар К700 тартылатын болады.

Посмотреть эту публикацию в Instagram

Публикация от Atyrau oblysynyn TJD (@atyrau_tjd)

Айта кетсек, 7 шілдеде сағат 08:19-да өрт ошақтарын анықтау мақсатында әуеден барлау жүргізу үшін "Қазавиақұтқару" АҚ МИ-8 тікұшағы көкке көтерілген болатын. Сондай-ақ, қамыс өртін сөндіруде аумақтың сулы-батпақты болуы қиындық туғызып жатырғанын атап өткен жөн. Өрт Атырау қаласынан 30 шақырым жердегі Кеңөзек ауылдық округі маңында орын алған.

Айта кетсек, Алматы облысы Балқаш ауданында да қамысты алқап өртенді.