World Money қаржы пирамидасының жетекшілері тергеліп жатыр

World Money, ҚР ҚМА, қаржы пирамидасы, сурет - Zakon.kz жаңалық 13.07.2023 16:22

Сурет: pixabay

Қаржылық мониторинг агенттігінің Батыс Қазақстан облысы бойынша департаменті World Money компаниясының өкілдері қаржы пирамидасын құрып, оны басқарды деген күдікпен сотқа дейінгі тергеу жүргізіп жатыр, деп хабарлайды Zakon.kz.

ҚР ҚМА баспасөз қызметінің мәліметінше, компанияның міндетті шарттарының бірі 21 мыңнан 53 мың теңгеге дейінгі қаражатты төлеп, басқа қатысушыларды, соның ішінде WhatsApp және Telegram мессенджерлері арқылы тарту болған.

"2023 жылдың қаңтарынан қазіргі уақытқа дейінгі кезеңде қаржы пирамидасына 130 адам тартылған. Аумақтық департамент облыстық прокуратураның үйлестіруімен компанияның қызметін ерте бастапқы кезеңде тоқтатып, алданған салымшылардың санын азайтуға мүмкіндік жасады".ҚР ҚМА баспасөз қызметі

Сотқа дейінгі тергеу жалғасуда. Ведомство қаржы пирамидасының арбауына тап болған жандар тұрғылықты жері бойынша экономикалық тергеу департаментіне хабарласуға шақырды.