Алматы облысында сауда орталығының бірінде шетел азаматы кішкентай қызды теуіп құлатты

Алматы облысысы, шетел азаматы, кішкентай қыз, тебу, сурет - Zakon.kz жаңалық 24.07.2023 19:07

Сурет: видеодан скриншот

Қарасай ауданындағы Aport Mall сауда үйінде жүрген түрік азаматы жол бермеген төрт жасар қызды теуіп жіберген. Әлеуметтік желіде сол сәттің бейнежазбасы тарады, деп хабарлайды Zakon.kz.

Бейнежазбадан ер адам кішкентай қызды теуіп құлатқанын анық көруге болады.

Қыздың анасы қызын тепкен ер адамның үстінен полицияға арыз жазды.

Алматы облысы полиция департаментінің баспасөз қызметі бұл факті ҚР Қылмыстық кодексінің 293-бабының 1-бөлігі (бұзақылық) бойынша аудандық ішкі істер басқармасының сотқа дейінгі тергеп-тексеру тізіліміне тіркелгенін хабарлады.

"Жедел-іздестіру шаралары барысында тәртіп сақшылары 1998 жылы туған Түркия Республикасының азаматын анықтап, полицияға әкелді. Жауап алу кезінде күдікті болған жайды айтып, өз кінәсін толық мойындады", – делінген хабарламада.

Қазіргі уақытта ұсталған азамат заңнамада белгіленген тәртіппен уақытша ұстау изоляторына қамалды. Барлық һтергеу әрекеттері сараптамалар тағайындау арқылы жүргізіледі.

Оқи отырыңыз