Екібастұзда автогаз бекетінен өрт шықты

Өртті 20 қызметкер мен 7 техника сөндіріп жатыр, деп хабарлайды Zakon.kz.

"Екібастұз қаласында Қонаев 5 мекенжайында автокөліктерге автогаз құю бекетінен өрт шықты, өрт жақын орналасқан "Феруза" азық-түлік дүкеніне ауысты. Өрттің көрші ғимараттарға, жолдан кейін 100 м қашықтықта орналасқан меншік үй секторларына өту қаупі бар", - делінген ТЖМ хабарламасында.

Оқиға орнында 20 қызметкер мен 7 техника жұмыс істеп жатыр.

Сағат 15.00-де өрт оқшауланғаны хабарланды.