Қостанай облысында құны 9 млн теңгеден асатын есірткі партиясы тәркіленді
![Қостанай облысы, марихуана, есірткі, сурет - Zakon.kz жаңалық 26.07.2023 20:41](https://kaz.zakon.kz/pbi/WEBP/2023-12-20/file-d6afae4f-f6e3-4fe9-a355-0d75ad5ead42/800x450.webp)
Қостанай облысының полицейлері 58 келіден асатын марихуана тәркіледі, деп хабарлайды Zakon.kz.
Қостанай облысы полиция департаменті есірткі қылмысына қарсы іс-қимыл басқармасының қызметкерлері арнайы операция жүргізіп, облыс аумағында есірткі таратумен айналысқан 11 адамды ұстады.
"Полиция 58 келіден астам марихуананы тәркіледі. Мұндай ірі партияның қара нарықтағы құны 9 млн теңгеден асады", – делінген хабарламада.
Ведомствоның мәліметінше, есірткі жалға алынған гаражда сақталған. Оны тарату үшін шағын орама жасап отырған.
"Қазіргі уақытта ҚР ҚІЖК-нің 128-бабы тәртібінде 5 күдікті уақытша ұстау изольяторына қамауға алынды. Қалғандарына қатысты ешқайда кетпеу туралы қолхат беру түріндегі бұлтартпау шарасы қабылданды".Есірткі қылмысына қарсы іс-қимыл басқармасының бастығы Нұржан Ахметов
Сондай-ақ ол ҚР ҚК 297-бабының 3-бөлігі бойынша басталған сотқа дейінгі тергеу аясында қажетті тергеу әрекеттері жүргізіліп жатқанын мәлімдеді.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript