Қостанай облысында 100 млн теңгеден астам соманың есірткі партиясы тәркіленді
Сурет: polisia.kz
Қостанай облысында полиция қызметкерлері есірткі сатушыны ұстап, одан 100 млн теңгеден астам соманың синтетика партиясын тәркіледі, деп хабарлайды Zakon.kz.
Күдіктіні ұстау бойынша операция Тобыл қаласында "Қарасора - 2023" жедел алдын-алу шарасы шеңберінде жүргізілді.
"Жедел-іздестіру іс-шараларын жүргізу барысында Тобыл қаласында полиция қызметкерлері тінту кезінде 3 келіден астам синтетикалық есірткі тәркілеген күдіктіні ұстады. Бұдан басқа, 2 мыңнан астам оралған синтетика тәркіленді, бұл аса ірі көлемді құрайды". Қостанай облысы ПД Есірткі қылмысына қарсы іс-қимыл басқармасының бастығы Нұржан Ахметов
Қазіргі уақытта аталған факті бойынша ҚР ҚК 297-бабы 3-бөлігі бойынша сотқа дейінгі тергеу басталды.
Күдікті қамауға алынды. Қажетті тергеу әрекеттері жүргізілуде.
Жүргізілген сараптамаға сәйкес алынған зат - "мефедрон" синтетикалық препараты.
Қостанай облысында "Қарасора - 2023" жедел алдын-алу шарасы өткізіле бастағаннан бері 10 келіден астам түрлі есірткі құралдары тәркіленді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
