Қонаевта 3 ойын мекемесі заңды бұзғаны үшін лицензиясынан айырылды

Сурет: Zakon.kz/Максим Золотухин

Мәдениет және спорт министрлігінің Туризм индустриясы комитеті Қонаев қаласындағы 4 ойын мекемесін жоспардан тыс тексерген.

Нәтижесі бойынша бизнестің үш субъектісіне қатысты Әкімшілік құқық бұзушылық туралы ҚР Кодексінің 445-бабының 3-тармағы бойынша әкімшілік іс қозғалды. Ойын автоматтары залының иелері машиналарға технологиялық түрде салынған ұтыс пайызы бойынша талаптарды сақтамаған. "Ойын бизнесі туралы" Заңға сай, ол кем дегенде 95% болуы керек.

Қонаев қаласының Әкімшілік құқық бұзушылық жөніндегі мамандандырылған ауданаралық сотының 19 мамырдағы шешімімен және Алматы облыстық сотының (апелляциялық саты) 2023 жылғы 20 шілдедегі шешімімен ойын бизнесінің барлық 3 субъектісі құқық бұзғаны үшін кінәлі деп танылды. Олардың лицензиясы тоқтатылып, әрқайсысына 300 АЕК мөлшерінде әкімшілік айыппұл салынды.

"7 әкімшілік іс қозғалды, 6 айыппұл салынды. Бір ойын автоматы залының иесі лицензиядан айырылды. Сонымен қатар заңды бұзғаны үшін жауапкершілікті күшейту мақсатында министрліктің қатысуымен ойын бизнесі, лотерея және лотерея қызметі саласындағы заңнамаға 62 түзетуді көздейтін 3 заң жобасы әзірленді", - деді ҚР МСМ Туризм индустриясы комитетінің төрағасы Дастан Рыспеков.

Оқи отырыңыз