Алматыда бірнеше жол учаскесін су басты
Сурет: Алматы қалалық әкімдігі
Алматыда 8 тамызда қысқа уақытта төпеп өткен нөсер салдарынан Алмалы және Наурызбай аудандарындағы бірнеше учаскені су басқаны анықталды, деп хабарлайды Zakon.kz.
Қала әкімдігінің баспасөз қызметі аталған екі учаскені басқан су жедел түрде жойылғанын хабарлады. Қазіргі уақытта жағдай бақылауда.
"Аздаған нөсер салдарынан су басу жағдайы Алмалы ауданында жүргізіліп жатқан жол-жөндеу жұмыстарына және өз кезегінде арық желілеріне жаңбыр суын бұру саңылауларының уақытша болмауына байланысты орын алғаны атап өтіледі. Жол жөндеу жұмыстары аяқталғаннан кейін жол шетіне бордюрлар қойылады", делінген хабарламада.
Наурызбай ауданының әкімдігі "Алма сити" ТК-да су басу оқиғасын жою бойынша жедел жұмыстар жүргізді.
Сағат 18.50 - де "RBS Дорстрой" ЖШС мердігерлік ұйымы және қызмет көрсететін компанияның күшімен су басу жойылды. Қазір барлық жағдай бақылауға алынды, желілер мен іргелес аумақты қоқыстан тазарту жұмыстары жүргізіліп жатыр.
"Жалпы, "Қазселденқорғау" деректері бойынша таудағы өзендер жағдайы тұрақты. Анықталған учаскелер бойынша аудан әкімдіктерінің коммуналдық қызметтері жұмыс істеп жатыр", деп жазады баспасөз қызметі.
Сондай-ақ әкімдіктің мәліметінше, 2023-2024 жылдары 201 шақырым арық желісін модернизациялау аяқталады, 100 шақырым жаңа арық желілері салынады, 46 тұрақты су басу учаскесі жойылған.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
