"Балмұздақ әперіп, көңілін көтерген": Желі қолданушылары полицейдің әрекетіне тәнті болды

Сурет: unsplash

Казнетте полиция қызметкерінің адасып қалған кішкентай қызға көмектескен сәтінен түсірілген видео тарап жатыр. Кадрлардан полицейдің әлі сөйлей алмайтын қызды жетектеп жүргенін, балмұздақ әпергенін көре аламыз.

Осы видеоны TikTok-та 360 мыңнан астам адам қараған. Патрульдеу бойынша қызметін атқарып жүрген полицей Нұрсұлтан Әбдіқадыр бағдаршамның қасында кішкентай қыздың жалғыз өзі тұрғанын байқаған. Қыздан ата-анасы туралы сұрағанда бүлдіршіннің былдырлап, тілі анық шықпағанын байқаған.

Оның адасып қалғанын түсінген полицей бірден басқа әріптестеріне хабарлап, ата-анасын іздеуді бастаған. Сол кезде Нұрсұлтан қыздың көңіл-күйі түскенін байқап, оған балмұздақ алып берген. Сонымен қатар ата-анасын тез тауып беруге уәде берген.

"Сәлден кейін қыздың анасы табылып, бүлдіршін отбасына табысталды. Тәртіп сақшысы қоғамдық қауіпсіздікті қамтамасыз етіп, тұрғындар тыныштығын сақтау парызы екенін айтты", - деп хабарлайды Polisia.kz.

Оқи отырыңыз