Алматы облысында отпен ойнаған бала көпқабатты тұрғын үй тұрғындарын дүрліктірді

10 тамызда Алматы облысының Өтеген батыр ауылында көппәтерлі тұрғын үйдің дәретханасында қоқыс шелегі жанып, салдарынан пәтер мен подъезд қатты түтіндеді. Өртке себеп - баланың отпен ойнауы, деп хабарлайды Zakon.kz.

"Өрт сөндірушілер есікті бұзып, пәтерге кіріп, құтқару қалпақшасының көмегімен балконда тұрған 2015 жылғы қызды эвакуациялады. Өртті сөндіруге және адамдарды эвакуациялауға 19 адам және 5 техника жұмылдырылды". ҚР ТЖМ баспасөз қызметі

Айта кетсек, 1 тамызда Алматыда "Ақкент" ықшам ауданындағы 16-қабатты тұрғын үйден өрт шығып, адамдар терезеден секіруге мәжбүр болған. Оқыс оқиға салдарынан 32 адам ауруханаға түсті, бір әйел адам қаза тапты.