Қаскелеңде жаңа босанған әйел перзентхана терезесінен секіріп кетті

Сурет: Zakon.kz

Алматы облысында 37 жастағы әйел аудандық аурухана перзентханасындағы жансақтау бөлімінің терезесінен секіріп кетті, деп хабарлайды Zakon.kz.

Оқиға 2023 жылғы 10 тамызда болған.

Оқиғаның мән-жайын ШЖҚ "Қарасай клиникалық көп бейінді орталық аудандық ауруханасы" КМК әкімшілігі баян етті.

"Босанған әйел медицина қызметкерлерін итеріп жіберіп, үшінші қабатта орналасқан перзентхананың жансақтау бөлімінің терезесінен секіріп кетті", – деп нақтылады олар.

Ведомство өкілдерінің мәліметінше, әйелдің жасы 37-де екен.

"Босанғаннан кейін төртінші күн жансақтау бөлімінде болды, босанғаннан кейінгі психоздың әсерінен тосын мінез көрсетіп, емделуден бас тартты", – делінген хабарламада.

Қазіргі уақытта оны барлық арнайы мамандар: анестезиолог-реаниматолог, нейрохирург, травматолог, хирург тексерді.

"Барлық қажет тексерулер жүргізілді, ол толық көлемде ем қабылдап жатыр", - деді медициналық мекеме өкілі.

Бүгін Астанада екі баласымен 9-қабаттан секірмек болған әйел құтқарылды. 24 жастағы келіншек отбасындағы жанжалдан кейін терезеден секіруге бел буған.

Оқи отырыңыз