Шымкентте екі жігіт төбелесіп, бірі қаза тапты
Сурет: pixabay
Шымкентте екі ер адам арасында жанжал шығып, соңы төбелеске ұласқан. Салдарынан бір адам қайтыс болды, деп хабарлайды Zakon.kz.
25 тамыз күні кешкі уақытта полицияға Тельман шағын ауданында жергілікті тұрғынның мәйіті табылғаны туралы хабарлама түскен.
"Оқиға орнына дереу жедел-тергеу тобы барды. 40 жастағы ер адамның мәйітін қарау кезінде әртүрлі дене жарақаттары анықталды. Аталған жайтты полицейлер ҚР ҚК-нің 106-бабының 3-бөлігі “Абайсызда жәбірленушінің өліміне әкеп соққан денсаулыққа қасақана ауыр зиян келтіру” бойынша тіркеді", – деп мәлімдеді Шымкент қаласы полиция департаментінің баспасөз қызметі.
Полицейлердің анықтауынша, екі ер адамның арасында төбелес шығып, күдікті қарсыласын нокаутқа түсіріп, кетіп қалған.
Қазіргі уақытта ұсталған адам қамауда. Тергеу амалдары жүргізіліп жатыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
