Алматыда Бақытжан Базарбектің баласының бесік арбасын өртеп жіберді деген күдікті ұсталды

Алматы полицейлері мәжіліс депутаты Бақытжан Базарбектің баласының бесік арбасын өртеп жіберген күдіктіні ұстады, деп хабарлайды Zakon.kz.

Бақытжан Базарбектің өзі Facebook желісіндегі парақшасында хабарлағандай, күдікті бірден анықталып, ұсталған.

"Қаскөй анықталып, ұсталды", – деп жазды депутат.

Күдікті қайдан, қалай ұсталғаны жарияланған жоқ. Депутаттың Facebook желісіндегі кейбір оқырмандары "арбаны өртеп жіберген адам біреудің бұйрығымен әрекет еткен болуы мүмкін" деген болжам айтты.

Бұған дейін Алматыда Бақытжан Базарбектің отбасына тиесілі нәресте арбасын белгісіз біреу өртеп жібергенін жазған едік. Депутаттың өзі бұл оқиғаны "Ескі Қазақстанның өкілдері өзінің бар-жоғын ескертіп, білдіріп отырғандай сезінесің" деп мәлімдеді.