"Министр Жамаубаев ұсталды" деген жалған ақпарат қазақстандықтарды алаңдатып қойды

Сурет: pixabay

Қазақстандықтар әлеуметтік желілерде "ҚР Қаржы министрі Ерұлан Жамаубаевты полицейлер ұстап жатыр" деген фотоларды белсенді түрде таратып жатыр, деп хабарлайды Zakon.kz.

Stopfake.kz сайтының мәліметінше, фотоның астында "Министрді Қазақстан банкі сотқа берді" деген мақалаға сілтеме бар.

Қаржы министрлігінің баспасөз қызметі министрге қарсы сот ісі туралы ақпарат пен оның ұсталған фотосы жалған екенін мәлімдеді.

"Интернет желісінде қоғамдық тәртіпті бұзатын, сонымен қатар азаматтардың құқығы мен заңды мүддесіне, қоғам мен мемлекеттің заңмен қорғалатын мүддесіне зиян келтіретін жағдайлар жасауға бағытталған сенімсіз, көрінеу жалған ақпарат таратылып жатыр".ҚР Қаржы министрлігінің баспасөз қызметі

Қаржы министрлігі бұл заңсыз әрекеттер үшін қылмыстық жауапкершілік қарастырылғанын түсіндірді.

Оқи отырыңыз