Петропавлда ер адам жаңа туған сәбиін бесінші қабаттан лақтырмақ болды

Жаңа туған сәби, Петропавл, төтенше жағдай, жатақхана, сурет - Zakon.kz жаңалық 21.09.2023 21:08

Сурет: pixabay

Петропавлда жатақханалардың бірінде 23 жастағы ер адам жаңа туған сәбиін бесінші қабаттан лақтырмақ болған. Оқиға орнына жеткен тәртіп сақшылары қайғылы жағдайдың алдын ала білді, деп хабарлайды Zakon.kz.

"Мен оларды кеше көрдім. Өзі де, бірге тұрып жатқан еркегі де масаң еді. Олар ұрсысып тұрды. Күйеуі әйелін жүріс қылдың деп кінәлап жатты. Жақындап сөйлесіп көріп едім, болмады. Әйелі жылап, баланы әкел деп айғайлады. Дұрыс сөйлей алмай тұрды", деп КТК телеарнасы жатахқана тұрғындарының бірінің сөзін келтіреді.

Оқиға кешқұрым қаладағы жатақханалардың бірінде болған. Ерлі-зайыптылардың жанжалы төбелеске ұласқан соң, көршілері полиция шақырыпты. Тәртіп сақшыларын көріп, одан сайын ерегескен азамат бөлменің есігін іштен құлыптап, жаңа туған нәрестесін "5-ші қабаттан лақтырамын" деп қоқан-лоққы көрсетті. Баланың өміріне қауіп төнген соң, барлық құтқару қызметі әлдеқандай жағдайға дайын тұрған. Жедел жеткен арнайы жасақ есікті бұзып кіріп, нәрестені құтқарды. Бала дін аман, медицина қызметкерлеріне тапсырылды. Бұл олардың екінші баласы екен. Біріншісі - үш жаста. Ерлі-зайыпты бұл жатақханадағы бөлмені жалға алғандарына бір ай ғана болыпты.

"Ұсталған азамат облыстың 23 жастағы тұрғыны. Масаң күйде болған. Өзімен бірге тұрып жатқан 21 жастағы әйелі екеуі арасында жанжал болған. Аталған факті бойынша сотқа дейінгі тергеу жүріп жатыр. Оқиғаның мән жайы анықталып жатыр".СҚО ПД баспасөз қызметінің ресми өкілі Нұрбек Баекин

Оқи отырыңыз