Жетісу облысында зейнеткер өз ұлын өлтірді деген күдікпен ұсталды
Сурет: Zakon.kz
Кербұлақ аудандық полициясы өз ұлын өлтірді деген күдікпен ер адамды ұстады, деп хабарлайды Zakon.kz.
28 қыркүйекте Кербұлақ ауданында, алыстағы шаруа қожалығының аумағында зорлық-зомбылықтың айқын белгілері бар жас жігіттің мәйіті табылды. Полицейлер оны өлтірді деген күдікпен 63 жастағы ер адамды ұстады.
"Ұсталған азамат - жәбірленушінің туған әкесі. Алдын ала мәлімет бойынша, дастархан басында алкогольдік ішімдік ішудің аяғы жанжалға ұласып, соңы қайғылы оқиғамен аяқталған", - деп хабарлады Кербұлақ аудандық полициясы.
Күдікті уақытша ұстау изоляторына қамалды. Қажет сараптамалар тағайындалып, Қазақстан Республикасы ҚК-нің 99-бабы (адам өлтіру) бойынша тергеліп жатыр.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript