Елордада жаңа салынып жатқан ғимараттан өрт шықты

Астана тұрғындары әлеуметтік желіде аспандағы түтін фотоға түсіріп, бөлісе бастады.

Өрт орнынан түсірілген суреттер myastanacity Telegram арнасында да жарияланды.

"4 қазан сағат 15:08-де Астана қаласының Төтенше жағдайлар департаментінің өрт сөндіру бөлімшелері Есіл ауданында Хусейн бин Талал көшесі мен Мәңгілік ел даңғылының қиылысында жаңа ғимараттан түтін шыққаны туралы хабарлама бойынша әрекет етті", — деді Астана қаласының Төтенше жағдайлар қызметінің баспасөз қызметі.

Өрт сөндірушілер келген соң, 200 шаршы метр аумақта салынып жатқан ғимараттың екінші қабатында құрылыс материалдарының жанып жатқаны анықталды.

"Алдын ала мәлімет бойынша, зардап шеккендер жоқ".Астана қаласы Төтенше жағдайлар департаментінің баспасөз қызметі

Оқиға орнында өртті сөндіру үшін Астана қалалық Төтенше жағдайлар департаментінің жеке құрамының 20 адамы мен төрт техникасы жұмыс істеп жатыр. 

Оқи отырыңыз

Павлодарда автобус аялдамасы маңында бір бойжеткенді көлік қағып кетті

22:56, 26 шілде 2024

Қызылорда облысында сирек кездесетін жыртқыш аң - қара құлақты қаскөйлер атып тастаған

19:45, 26 шілде 2024

LEGO брендімен қауіпті контрафактілік ойыншықтардың сатылымына тосқауыл қойылды

16:21, 26 шілде 2024